F5Plus - Photoshop-da dəniz dibi (CS2)

Bu tutorialda sizinlə birlikdə dəniz dibinin təsvirini yaratmaga çalışaq.

1024x768 ölçüdə yeni bir fayl yaradaq və Ctrl+Shif+N düymələri ilə yeni qat yaradaq. Yaratdığımız qatı  yaşıl-göy qarışıqlı rəngə boyayaq. Mən #549190 rəngini seçdim.

Ardını oxu

F5Plus - Photoshopda qatlanmış künc effekti - CS2

Bu dərs sizə bir neçə çox asand addımdan sonra şəkil küncünün əyilməsi effektini necə etməyi öyrədəcək. İstifadə edəcəyimiz əsas element Warp komandası olacaq. İlk dəfə istifadə edənlər üçün çox maraqlı olacaq. Qeyd edim ki, Warp komandası yalnız Photoshope CS2 – dən başlayaraq transformasiya menyusuna əlavə edilib. Köhnə versiya Photoshop istifadə edənlər du dərsdən yan keçsinlər.

Başlayaq. Effekt tətbiq ediləcək şəkli açın. 

Əgər bizim Layers (Qatlar) panelinə baxsaq açdığımız şəklin sağ tərəfində kiçik qıfıl işarəsini görərik. Bu o deməkdir ki, bu qat üzərində edəcəyimiz əməliyyatlar məhdud saydadır. 

Bu isə bizi qane etmir. Bunu düzəltmək üçün qıfılın üzərində cütklik edin. Artıq hər şey bizim istədiyimiz kimidir və işə başlaya bilərik. 

Alətlər panelindən Rectangular Marquee Tool alətini tapıb seçirik. 

Bu alətdən istifadə edərək şəklin əymək istədiyimiz küncühdə düzbucaqlı sahə seçirik. 

Alətlər panelindən Gradient Tool alətini tapıb Ağ – Qara rəngli qradienti düzbucaqlının sağ yuxarı küncündən sol aşağı küncünə tətbiq edirik. Nəticə belə olmalıdır. 

Alındı? Alındısa davam edək. Ctrl+D düymələrini sıxaraq seçilmiş sahəni ləğv edək. Ctrl+T düymələri ilə transformasiya rejiminə keçək. Açılan menyudan Warp əmrini seçək. 

Gördüyünüz kimi şəklimiz düzbucaqlılara bölündü və bizim Gradient tətbiq etdiyimiz sahə də onlardan birinin daxilindədir. Şəklin kənarlarında kiçik kvadratlar dayaq nöqtələridir. Gəlin sol aşağı küncdə olan dayaq nöqtəsini şəklin ortası istiqamətində dartıb nəticəyə baxaq. 

Əgər hər şey əladırsa Enter düyməsini sıxaraq davam edək. Küncü qatladıq. Gəlin effektimizə bir az da reallıq əlavə edək. Bunun üçün Ctrl+Shift+N düymələrini sıxaraq Yeni qat yaradaq. Yeni qat avtomatik olaraq bizim əsas qatdan yuxarıda yaranır. Bu isə bizi qane etmir. Mausun sol düyməsini Yeni qatın üzərində sıxıb əsas qatdan aşağı atırıq. 

Yeni qatı aktiv edərək ağ rəngə boyayırıq. Sonra isə yenidən Esas qatı aktiv edərək Layer – Layer Stayle – Drop Shadow menyusuna daxil oluruq. Aşağıdakı parametrləri daxil edərək belə bir nəticə alırıq. 

Məndə belə alındı, bəs sizdə necə?

Ardını oxu

F5plus - Photoshopda smaylik yaradaq (CS2)

Bu tutorialda biz internetdə tez-tez rastlaşdığımız smaylik (gülümcüklərin J) necə yaradıldığını öyrənəcəyik.

İlk addımımızda 500x500 piksel ölüsündə, istənilən fonda yeni bir işçi sahəsi yaradırıq.

Şəkildə göstərildiyi kimi Elliptical Marquee Tool seçmə alətindən istifadə edərək, SHİFT düyməsini saxlamaqla idal dairə yaradırıq.

Seçilmiş sahəni itirmədən Ctrl+Shift+N düymələr kombinasiyasını basaraq yeni qat yaradırıq. Yaradılmış qatı ağ rəngə boyayırıq. Əgər hər şeyi düz etmisinizsə onda hər şey şəkildə görsəndiyi kimi olmalıdır.

\

Əgər alındısı davam edirik. Layer- Layer Stayle-Stroke menyusuna daxil olub, şəkildə göstərilmiş parametrləri əlavə edirik. Qeyd edim ki, bütün bu əməliyyatlar Yeni qat üzərində yerinə yetirilir, yəni Yeni qat aktiv olmalıdır. Aktiv etmək üçün isə sadəcə olaraq üzərində 1 klik edin.

Bütün bu əməliyyatlardan sonra aşağıda gördüyünüz hal alınmalıdır.

Bundan sonra Gradient alətini tətbiq edirik. Layer-Layer Stayle-Gradient Overlay. Əgər tapmasanız Stroke menyusu  göstərilən şəklə baxın J. Aşağıda göstərilən parametrləri daxil edirik. Qeyd edim ki, seçilmiş sahə aktiv qalmalıdır.

Rənglər Soldan sağa doğru   #D8D635 - #FFE617 - #D6AD00

Deməli belə, əgər hər şey yaxşı gedirsə bizim ideal dairəmiz yavaş yavaş  gülümcüyə oxşamağa başlayır. Davam edirik. Bizə tanış olan Ctrl+Shift+N düymələrində istifadə edərək daha bir Yeni qat yaradaraq adını Parilti  qoyuruq. Parilti qatını aktiv edərək Seçmə menyusundan istifadə edərək əvvəlcədən seçdiyimiz dairənin sahəsindən 3-5 piksel kiçik bir dairəni işarə edirik. Bu fikirləşdiyinizdən asand olacaq. Yəqin ki, seçdiyimiz dairə hələ də aktiv qalır. Onu kiçiltmək üçün Select-Modify-Contract menyusundan istifadə edirik. Açılan pəcərəd 3-5 arası rəqəm daxil edin. Bu rəqəm sahənin nə qədər kiçildəcəyimizi göstərir.

Alındı? Onda davam edirik. Alətlər panelindən Fırça alətini (Brush tool) seçərək olçüsünü 35 piksel təyin edirik.

Fırçaya ağ rəng təyin edərək, şəkildə göstərildiyi kimi soldan – sağa bir neçə hərəkət edirik. Bununla biz dairəmizə Parıltı əlavə etmiş oluruq. Son nəticə şəkildəki kimi olmalıdır.

Bundan sonra parıltı qatının şəffaflığını 60% edirik.

Bütün bu çək-çevirdən sonra belə bir şar alınmalıdır. Gözldir, elə deyilmi J. Gəlin daha da gözəlləşdirək.

Alətlər qutusundan Ellipse Tool (U) alətini axtarıb tapırıq və onun köməyi ilə gözləri çəkirik. Tapanlara təbriklər, tapa bilməyənlər isə aşağı baxsınlar.

Fantaziyanızdan və istəklərinizdən asılı olaraq Pen Tool və Convert Point Tool alətlərindən istifadə edərək gülümcüyümüzün gözlərini formaya salaq.

Əgər hər şey istədiyiniz kimi alındısa davam edirik. Layer – Rasterize – Layer – menyusundan istifadə edərək Gözün yerləşdiyi qatı rasterizə edirik və seçirik.

Seçmək üçün Ctrl düyməsi sıxaraq gözün yerləşdiyi qatda klikləyirik. Bizə artıq  tanış olan Gradient Overlay menyusundan istifadə edərək seçimli olan göz qatına Ağ-boz gradienti əlavə edirik. Gradient rənglərini təyin etmək qaydasını artıq bilirsiniz. Gradientdən sonra gözləri daha qabarıq göstərmək üçün Stroke –ni tətbiq edirik. Parametrlər birinci dəfə təyin etdiyimiz Stroke də olduğu kimidir. Nəticə təqribən aşağıdakı kimi olmalıdır.

Artıq sevinmək olar, bizdə nəsə alınır. İndi isə yaratdığımız gözə parıltı verək. Yeni qat yaradırıq. Yaratdığımız qatı aktiv edirik. Ctrl sıxaraq gözün yerləşdiyi qat üzərində klik. Seçilmiş sahəni artıq bildiyimiz qaydada kiçildək. Select – Modify – Contract, qiymətini 3-4 piksel arasında təyin edin. Parıltı verməyi biz artıq öyrənmişik. Brush Tool alətini artıq tanıyırıq. Gözün yuxarı hissəsini şəkldəki kimi ağardırıq, şəffaflıq 70%.

Hər şey deyəsən əla gedir. Davam edək. Bizim 1 gözümüz var. Amma belə yaramaz. Ikincini yaradaq. Bu fikirləşdiyinizdən asand olacaq. Gözün yerləşdiyi qatın dublikatını çıxardaq (Ctrl+J). Yeni qatın yarandığını görəcəksiniz. Bu bizim ikinci gözdür. Amma hələ ki, görsənmir. Bu səhvi düzəldək. Yaranmış yeni qatı aktiv edib Ctrl+T düymələrini sıxırıq və Flip Horizontal əmrini yerinə yetiririk. Bu əmr bizim ikinci gözü üfüqi şəkildə fırladacaq və o bizə lazım olan vəziyyəti alacaq.

Əgər göz tam olaraq öz yerini tutmadısa, məncə özünüz nizamlaya bilərsiniz. Göz iki oldu, amma onun üzərindəki parıltı başqa qatda olduğuna görə ikinci gözümüz parıltısız qaldı. Bunu isə sizə tapşırıram. Gözün dublikatını çıxartdığımız kimi parıltını özünüz edin və yerinə yerləşdirin. Nəticədə belə bir şey alınmalıdır.

İndi isə keçək göz bəbəklərinin, qaşların və ağızın çəkilməsinə. Bu hissəsi bir az çətin olacaq. Çünki Pen Tool-dan istifadə etməli olacayıq. Əgər alınmasa, sadəcə olaraq göz bəbəklərini ağızı dairələrlə göstərək və qara rəngə çevirək. Amma bütün bunları siz özünüz etməli olacaqsınız. Qaşlara, göz bəbəklərinə və ağıza daha gözəl görünüş vermək üçün Bevel and Emboss + Drop Shadow + Inner Shadow + Stroke istifadə edə bilərsiniz. Harada yerləşdikləri haqqında kifayət qədər məlumat vermişəm. Parametrlərlə oynayın, yaxşı nəticə 100% alınacaq. Problem yaranarsa müraciət edin. Kömək həmişə tapacaqsınız. Məndə belə alındı. Bəs sizdə?

Ardını oxu

F5plus - Photoshop-da Stop kadr effektİ

Bu günkü dərsimizdə sadə amma çox maraqlı effekt olan Stop Kadr effektini yaratmağa çalışaq.

Başlayaq. 400x400 piksel ölçüsündə yeni bir fayl yaradaq. Yeni qat yaradaq,yaratdığımız qatın  mərkəzində Rectangular Marquee Tool vasitəsi ilə düzbucaqlı sahə işarə edək və qara rəngə boyayaq. Ctrl+D, seçimi yığışdıraq, yenidən Rectangular Marquee Tool və əvvəl işarə etdiyimiz sahədən bir az kiçik sahəni işarə edək.

 Seçimi hələ ki, saxlayaq. O bizə gələcəkdə də lazım olacağına görə də yaddaşda saxlamaq lazımdır. Bunun üçün Select-Save Selection əmrindən istifadə edək. Açılmış pəncərədə ad daxil edək və OK düyməsini sıxaq. Seçimimizin harada yerləşdiyini görmək istəsəniz şəkldə göstərilən menyuya keçin.

 Seçilmiş sahə aktiv qaldığı halda qara düzbucaqlı olan qatımızı aktiv edirik və Delete düyməsini sıxırıq. Nəticəmiz.

 Ctrl+D sıxaq, seçilmiş sahəni yığışdıraq. Yeni qat yaradaq. “X” düyməsini sıxaq ki, əsas rəngimiz ağ rəng olsun. Alətlər panelindən Rounded Rectangle Tool alətini seçib aşağıdakı parametrləri daxil edək.

 Parametrlər daxil edldikdən sonra, Yeni qatımızı aktiv edərək aşağıda göstərildiyi kimi fiqur əlavə edək.

 Move Tool alətini seçib, Shift+Alt düymələrini saxlamaqla çəkdiyimiz fiqurun üzərində sol düyməni sıxıb saxlamaqla kənara çəkək və bununlada əvvəlki fiqurun dublikatını yeni qatda yaratmış olururq. Nəticəmiz belə alınmalıdır.

 Əgər alındısa davam edək və kadrın sonunadək bu əməliyatı yerinə yetirək. Kadrın sonuna çatdıqda seçimi götürmək üçün Ctrl+D düymələrini sıxın və yaratdığımız bütün qatları birləşdirin. Bunu üçün Arxa fon və çərçivəmizin yerləşdiyi qatı gizlədək (sol tərəfdəki göz işarəsinə klikləyin). Sonra isə Görünün qatlarımızın hər hansı birinin üzərində sağ düyməni sıxın və açılan kontekest menyuda Merge Visible əmrini seçin. Birləşdirdikdən sonra yenidən qatlarımızı görünən edək.

Kadrımızın yuxarı hissəsini düzəltdik, aşağı hissəsi nisbətən asand olacaq. Bunun üçün Ctrl düyməsini saxlamaqla birləşdirdiyimiz qat üzərində klik edək. Əvvəl etdiyimiz kimi Shift+Alt Move Tool alətinin köməyi ilə dartıb aşağıda yerləşdiririk.

 Alındısa davam edək. Effektimizi daha real göstərmək üçün kölgə verək. Bunun üçün Ctrl düyməsini sıxaraq sonuncu yaratdığımız qat üzərində klik edək. Bu əməliyyat bütün yaratdığımız kiçik düzbucaqlı sahələri seçimli edəcək. Seçimi aktiv saxlayaraq Qara düzbucaq olan qata keçək və Delete düyməsini sıxaq. İlk baxışda heç bir dəyişiklik olmadı. Biz sadəcə olaraq bizə lazım olmayan sonuncu qatımızdan azad olduq. Buna görə də Sonuncu qatı poza bilərik. Seçimi yığışdıraq. Layer-Layer Stayle – Drop Sadow menyusuna keçək və aşağıdakı parametrləri daxil edək.

 Hər şey demək olar ki, hazırdır. Sonuncu addım üçün bir şəkil seçək. Mən bunu seçdim.

 Yeni qat əlavə edək və şəkli ora gətirək. Məncə bunu necə etməyi bilirsiniz. Yaratdığımız və üzərində şəkil olan qatı Arxa fon və çarçivə arasında yerləşdirək. Ctrl+T düymələri ilə Free Transform rejiminə keçək. Şəklimizi kadra uyğunlaşdıraq. Kənarlardan artıq qalsa da olar. Əsas məsələ şəklin formasını zədələməyin. Şəkli formaya saldıqdan sonra dərsin başlanğıcında yadda saxladığımız və mənim sizə yerini göstərdiyim seçimi aktiv edək. Bunun üçün Ctrl düyməsini sıxaraq üzərində klik edək. Seçilmiş sahə aktiv olduqdan sonra Select – İnverse əmrini tətbiq edək və seçilmiş sahəni əksinə çevirək. Şəkil yerləşən qatı aktiv edərək Delete deyməsini sıxaq. Hər şey alındısa təbrik edirəm. Hər hansı problem yaransa suallarınız cavabsız qalmayacaq.

Uğurlar.

Ardını oxu