MS SQL SERVER 2012 qurulması ~ Lazımlı Bloq!

Bu mövzuda şəkillərdə göstərilmiş addımları ardıcıl keçərək öz lokal kompüterinizdə və ya serverinizdə MS SQL SERVER 2012 (Denali) qura bilərsiniz. Nəzərə alın ki, göstərilmiş addımlar sadələşdirilmiş qurulum qaydasıdır. Əgər yüklədiyiniz server istehsalatda istifadə olunacaqsa mütləq şəkildə müəyyən dəyişikliklər edilməlidir.

Quraşdırmaya başlamazdan öncə quraşdırma fayllarını kompüterinizə yükləyin. Bu faylları Microsoft yükləmə servisindən istifadə edərək yükləyə bilərsiniz. Aşağıdakı şəkil yükləmə mənbəyindən asılı olaraq dəyişə bilər. Şəkillərə daha böyük ölçüdə baxmaq üçün üzərində klikləyin.

Fayllar yükləndikdən sonra setup.exe-ni işə salın.

Bir müddət sonra aşağıdakı pəncərə açılacaq. Açılan pəncərədən şəkildə qırmızı ilə göstərildiyi kimi installation bölməsinə keçin.

Bu bölmədə New SQL Server stand-alone installation or add features to an existing installation seçin.

Uyğunluq yoxlamasından sonra əgər aşağıdakı siyahıda hər hansı problem yaranarsa quruma başlamadan öncə həll edilməlidir. Problem yoxdursa OK düyməsini sıxaraq quruma davam edirik.

Lisenziya şifrəniz varsa daxil edin. Yoxdursa çüddətli yükləyin.

İstifadəçi razılaşmasını oxuyaraq qəbul etdiyinizi bildirin. Razılıq verilməzsə quruluma davam edə bilməzsiniz.

Bizim qurulum sadələşdirilmiş olduğuna görə yeniləmələrin yoxlanılması və yüklənilməsindən istifadə etməyəcəyik.

Aşağıdakı şəkildə Windows Firewall barəsində xəbərdarlıq görsənir. Bu xəbərdarlıq ümumilikdə quruluma mane olmadığına görə keçə bilərsiniz. Amma Firewall söndürüb Re-run düyməsini klikləsəniz bu xəbərdarlığın həll olunduğunu görə bilərsiniz.

Aşağıdakı şəkildə SQL SERVER-in necə yüklənəcəyi soruşulur. Birinci seçimdə hansı xidmətləri yükləyəcəyiniz və necə yükləyəcəyiniz sizdən soruşulur. Üçüncü seçimdə isə bütün xidmətlər olduğu kimi yüklənir. Ətraflı baxmaq üçün bizim qurulum birinci seçim üzrə gedəcək.

Aşağıdakı şəkildə MS SQL SERVER 2012 - nin təklif etdiyi bütün xidmətlərin siyahısını görə bilərsiniz. Əgər Siz hansı xidmətlərdən istifadə edəcəyinizi bilirsinizsə siyahıdan seçin, əmin deyilsinizsə sadəcə olaraq şəkildə göstərilmiş Select All düyməsini sıxıraq bütün xidmətləri yükləyin. Bu istehsalat serverləri üçün məsləhət görülmür. Nəzərə alın ki, hər bir SQL servisi əlavə resurs tələb edir.

Seçilmiş xidmətlərdən asılı olaraq uyğunluq yoxlaması aparılır. Əgər yoxlama zamanı hər hansı problem çıxarsa əvvəlcədən həll edilməlidir.

Aşağıdakı pəncərədə İnstance adını dəyişə bilərsiniz və ya SQL SERVER özü seçdiyi adı saxlaya bilərsiniz. Əgər yüklədiyiniz instance birinci deyilsə pəncərənin aşağısında mövcud olan instance siyahısını görə bilərsiniz. Həmçinin instance yüklənəcək direktoriyanı da seçə bilərsiniz. Bu direktoriyanın dəyişdirilməsi istənilməzdir.

Növbəti pəncərədə Disk tələbləri barədə məlumat alacaqsınız. Əgər disklərinizdə kifayət qədər böş yer yoxdursa qurulum zamanı problemlər yarana bilər.

Növbəti pəncərədə SQL SERVER xidmətlərinin hansı istifadəçi adı altında işləyəcəyini qeyd etmək lazımdır. Təhlükəsizlik baxımından hər xidmətin ayrı istifadəçi adından qurulub işləməsi daha məqsədə uyğundur. Bizim qurulum sadələşdirilmiş olduğundan bütün xidmətlər üçün eyni istifadəçini adı altında qurulacaq. Həmçinin bu pəncərədə xidmətlərin işə düşməsini avtomatik və ya manual seçə bilərik. Əgər xidmətin hal - hazırda işləməsinə ümumiyyətlə ehtiyac yoxdursa Disabled edib söndürə bilərik.

Növbəti tab Collation nizamlamaları haqqındadır. Bu tab serverinizdə istifadə olunacaq məlumatlar bazasında asılı olaraq dəyişə bilər. Latın, Kiril, unicode, case-insensitive, accent-sensitive və s. seçimlər edə bilərsiniz.

Növbəti pəncərədə SQL SERVER autenfikasiya növünü və SA istifadəçisinin şifrəsini təyin edirik. Şəkildə göstərilmiş Add Current User və ya Add düyməsini sıxaraq SQL SERVER administratorlarını təyin edirik.

Növbəti tabda məlumatlar bazamızın fayllarının yerləşdiyi direktoriyaları göstəririk. Mən aşağıdakı şəkillərdə göstərildiyi kimi qovluqlar yaradaraq müvafiq xanalarda qeyd etdim. Sizin qovluq fərqli disklərdə fərqli adlarla ola bilər.

Növbəti tabda Filestream dəstəyi barədədir. Bu qurulumda FileStream haqqında məlumat verilməyəcək.

Analysis xidməti istifadə olunacaqsa uyğun nizamlamalar edilməli və Analysis administratorlar əlavə edilməlidir.

Bu qurulumda Reporting xidməti barədə məlumat vermədiyimizə görə İnstall only seçib Next düyməsini sıxırıq.

Bu pəncərədə Distributed Replay Controller xidməti üçün administrator yetkisi olacaq istifadəçiləri qeyd edib Next düyməsini sıxın.

Bu Xidmət barədə məlumat verilmədiyinə görə sadəcə olaraq Controller Name xanasını doldurub Next düyməsini sıxın.

SQL SERVER-də aldığınız səhvlər barədə Microsoft firmasını məlumatlandırmaq istəyirsinizsə razılıq verib Next düyməsini sıxın.

Uyğunluq yoxlaması uğurla bitərsə Next düyməsini klikləyib növbəti pəncərəyə keçin.

Bu pəncərədə seçdiyimiz və qurulacaq xidmətlər barədə ümumi məlumat verilir. İnstall düyməsini sıxmaqla quruluma başlayın.

Qurulum bitdikdən sonra OK düyməsini klikləyərək əməliyyat sistemini restart edin.

Əgər bütün addımlar uğurla bitdisə MS SQL SERVER 2012 -dən artıq istifadə edə bilərsiniz.

Database Administrator

Yusif Yusifov