Windows istifadəçilərinin əksəriyyətinin Microsoft-un Office paketindən istifadə etdiyini desəm yanılmaram. Office paketinin belə populyarlığına baxmayaraq biz onun üstünlüklərinin çox az hissəsindən istifadə edirik. Amma bu proqramlarla daha yaxından tanış olduqda işinizi nə qədər sürətləndirə biləcəyinizi anlayacaqsınız.
Bu dəfə sizə Excel formulalarından biri olan SUMİF (СУММЕСЛИ) barədə məlumat verəcəm. Formulanın adından görsəndiyi kimi əgər xanalardakı məlumat sizin verdiyiniz kriteriyaya uyğundursa formula həmin xanalardakı məlumatları toplayacaq. Daha aydın başa düşmək üçün, funksiyanın istifadəsini bir neçə misal üzərində göstərəcəm.
İlk növbədə rəqəmlərdən ibarət kiçik cədvəl düzəldin.
Geri qayıtmaq üçün yenidən həmin düyməni klikləyin. İkinci xanda hesablama kriteriyamızı daxil edək. Mən cədvəlimdəki müsbət rəqəmlərin bir xanda mənfi rəqəmlərin isə başqa xanada toplanmasını istəyirəm. Bunun üçün kriteriya xanasına müsbət rəqəmlər üçün ">0" yazacam. Bununla mən formulaya göstərirəm ki, verdiyim xanalar diapazonundan sıfırdan böyük olan rəqəmləri seçib toplasın. Eyni formulanı başqa xanada kriteriyanı "<0" dəyişməklə yazsaq ancaq mənfi rəqəmlər toplanacaq.
Hesablamanı təkcə rəqəmlərə görə yox, həmçinin digər kriteriyalara görə də aparmaq olar.
0 şərh.:
Post a Comment